Ajo që duhet pohuar është fakti se me kalimin e viteve, faktori shqiptar po merr një rol gjithmonë e më shumë vendimtar, edhe sa i përket pjesës së futbollit. Kështu, të shumta janë rastet që na e tregojnë forcën e shtuar të Shqipërisë në UEFA, që kulmoi edhe me zgjedhjen e Armando Dukës në Komitetin Ekzekutiv të organit më të lartë drejtues të futbollit.
Së fundmi, UEFA ia ka hequr të drejtën e organizimit të kampionatit europian U-17 Spanjës, vetëm për arsyen e Kosovës. Ky shtet nuk e njeh ende trevën shqiptare dhe nuk lejonte që gjatë takimeve, të shpalosej flamuri apo simboli i dardanëve.
Në kushte të tilla, organi më i lartë i futbollit, nuk i ka bërë asnjë kërkesë Kosovës për evitimin e simboleve në këtë turne, por i ka hequr të drejtën e organizimit të këtij turneu Spanjës. /Shqiperia.ch/