Partizani do të luajë ndaj Tiranës, në takimin e vlefshëm për kampionatin shqiptar. Futbolli në vendin tonë bëhet gati për të përjetuar emocionet që të dhuron ndeshja e kopertinës, që shërben si reklamimi më i mirë i Superiores.
Të dyja ekipet kanë publikuar formacionet titullare për këtë takim, ndërsa e vetmja suprizë vjen nga kampi i të kuqëve. Pavarësisht disa incidenteve të vogla të ndodhura me Alban Hoxhën, ky i fundit do të mbrojë portën, në derbin që kjo skuadër do të zhvillojë me Tiranën. Ngelet të shihet rezultati që do të dhurojë kjo sfidë, me bardheblutë që nuk e njohin shijen e fitores prej shumë ndeshjesh.
Partizani: Hoxha, Ibrahimi, Atanda, Belica, Trashi, Hila, Telushi, Asani, Mensah, Mala, Bardhi.
Tirana: Abibi, Doka, Hoxhallari, Atinga, Imami, Maveje, Karabeci, Daja, Hasani, Halili, Sentamu.