Kosova do të luajë në ditën e sotme përballë Maltës, në takimin e vlefshëm për “Ligën e Kombeve”. Një tjetër fitore në ditën e sotme, do të jepte më shumë garanci për “dardanët”, për të mbyllur grupin në vendin e parë.
Sa i përket ndryshimeve në formacion te Kosova, nuk ka vend për shumë risi nga trajneri Shaland. Madje situata shkon deri aty aqsa të mos e ketë një vend titullar për futbollistin ku të gjithë i kanë sytë, Lirim Kastratin. Ky i fundit do të qëndrojë në stol pavarësisht se është kthyer në një makineri golash te Lokomotiva e Zagrebit, ndërsa vendin e tij do e marrë një futbollist që është parë më aktiv në “Instagram” sesa në fushën e lojës, Edon Zhegrova.
Prapavija e Kosovës nuk pritet të ketë ndonjë ndryshim, ndërsa do të jetë pak e impenjuar, duke marrë parasysh emrin e kundërshtarit. Në qendër të mesfushës Halimi është në balotazh me Kryeziun, ndërsa Berisha duket se është në avantazh në balotazhin ndaj Avdijajt, për ta nisur si titullar takimin. /Shqipëria.ch/
