Edi Reja ka zhvilluar një intervistë të gjatë në mediat italiane, për periudhën dhe emocionet e para të marra në Shqipëri. Trajneri italian do të debutojë ndaj Islandës në transfertë dhe pritshmëria e tifozëve është e madhe.
Fjalët e këtij tekniku me eksperiencë të jashtëzakonshme janë të qarta: “Respekt për të gjithë, por frikë për askënd”. Gjithashtu Reja ka vendosur theksin në faktin se në Shqipëri, njerëzit janë të dashuruar marrëzisht me futbollin, duke i kujtuar Napolin.
‘Po është e vërtetë, unë thashë se e kisha mbyllur me klubet, por ishte një shans për ekipin kombëtar që ndodhi. Nuk ka të njëjtën stres çdo ditë, por është përgjegjësi e madhe. Në Shqipëri ka një pasion të jashtëzakonshëm për futbollin. Duket paksa si Napoli, njerëzit e dashurojnë ekipin kombëtar dhe lojtarët. Kjo më jep energji. Ishte ajo që më mungonte.
Presidenti Duka më telefonoi. E pashë ndeshjen me Turqinë. Shkova atje nga rastësia. Do të bëja disa raporte për lojtarë që ndiqeshin nga Napoli dhe Atalanta. Kryeministri Edi Rama më telefonoi gjithashtu. E takova atë në një hotel afër “Ponte Milvio”. Ai kishte ardhur të shihte Lazion, por është tifoz i madh i Juventusit. Erdhi për të më bindur gjithashtu.
Të bëjmë mirë, të kërkojmë kualifikimin për Europianin 2021. Me përjashtim të Francës, mendoj se mund të jemi konkurrues me të gjithë të tjerët, përfshirë Turqinë. Ne do të bëjmë më të mirën. Respekti për të gjithë, frikë nga askush. Kam biseduar me lojtarët, kam përcjellë bindjen. Më duket se ka harmoni. Kur ata marrin fushën, janë krenarë. Ata e ndjejnë pjesëmarrjen dhe përfaqësojnë vendin, ndonjëherë ata janë aq të karikuar, saqë rrezikojnë të dalin edhe jashtë fushës. Edhe në stërvitje. Të shtunën do të ketë një ndeshje miqësore me ekipin shqiptar nën 21, kështu që unë do të shoh disa lojtarë që punojnë shumë.
Unë besoj shumë te grupi. Ekzistojnë cilësitë, nëse tërheqim 100 për qind, do të kemi disa kënaqësi të bukura. Lojtarët më japin përshtypjen se janë të ngarkuar. Nuk kanë besim. Unë shoh dëshirë të madhe. Europiani është një ëndërr. Në mënyrë që ëndrrat të bëhen të vërteta, ne duhet të besojmë në të, ka vetëm një gjë që na pengon t’i konkretizojmë dhe është frika se mos nuk e bëjmë atë, nuk duhet të kemi dyshime”, ka thënë Reja. /Shqiperia.ch/