Dita e djeshme ishte feste për qytetin e Romës, që është krijuar më 21 prill 753 para lindjes së Krishtit. Urimet për kryeqytetin italian vërshuan nga e gjithë bota, por mes dy skuadrave të saj, Romës dhe Lacios, ka pasur shumë thumbime.
Fundja ashtu si përherë, pasi këto skuadra nuk kanë asnjëherë qetësi me njëra-tjetrën. Fillimisht do të ishte Lacio që do të uronte për festën, teksa fotografisë me numra romak që simbolizonin datën e krijimit, i shtonin këto fjalë: “Ty, që na dhurove nderin të jemi skuadra jote e parë, urime, Caput Mundi”.
Pra këtu Roma injorohej dy herë, pasi fillimisht quhet si ekip i dytë i kryeqytetit, por edhe nuk përmendet askund. Në vend të saj, lacialët janë treguar të kujdesshëm duke përdorur Caput Mundin, që është një shprehje e vjetër latine dhe i referohet pikërisht qytetit të Romës.
Vetëm për të mos folur për kundërshtarët e tyre, lacialët preferuan këtë zgjedhje. Gjithsesi, reagimi i klubit të Romës do të ishte një perlë më vete. Npërmjet një fjalëkryqi ku shkruhej: “63 horizontal: kryqyteti i Italisë” dhe në të ndodheshin vetëm 4 kutia për t’u plotësuar, verdhekuqtë shkruajnë “Caput Mundi” si për të ironizuar kushurinjtë e tyre. /Shqiperia.ch/
🦅 A te che ci hai donato l’onore di essere la tua Prima Squadra: auguri, Caput Mundi pic.twitter.com/bPHIRU7Y1q
— S.S.Lazio (@OfficialSSLazio) April 21, 2019
63 orizzontale: la Capitale d’Italia
🦅 admin: pic.twitter.com/LQyBqQVdQp
— AS Roma (@OfficialASRoma) April 21, 2019