Keidi Bare është ylli më i ri i Malagas. Trajneri Muniz e ka marrë në ekipin e parë së fundmi, ndërsa talenti shqiptar në takimet e mëparshme, është aktivizuar me të rinjtë e spanjollëve.
Vetëm tre ndeshje rradhazi i janë dashur kapitenit të U-21 së Shqipërisë, për të treguar sesa vlen në fushën e lojës. Tifozët e Malagas janë shumë të entuziazmuar pas fitimit të një mesfushori të tillë, që deri tani ka qenë një “luftëtar”.
Niveli i lojës është duke u ngritur gjithmonë e më tepër, por Keidi Bare ka një shqetësim në Spanjë. Në një intervistë dhënë së fundmi për “Malagacf.diariosur” shprehet se kampionati ku aktiviziohet nuk ndiqet shumë në Shqipëri:
“Po ngrihem gjithmonë e më shumë në nivel, e për këtë jam shumë i gëzuar. Gjithsesi në Shqipëri më ndjekin pak, jo edhe aq shumë”, u shpreh Bare duke iu referuar lidhjes së ngushtë që kanë shqiptarët me kampionate si Seria A dhe Premier League, duke lënë pas dore “La Ligan” në Spanjë, për të mos folur për divizionin më poshtë ku luan edhe mesfushori shqiptar. /Shqiperia.ch/