Një artikull që shkaktoi shumë polemika dhe u kundërshtua gjerësisht nga mbështetësit e Shqipërisë, ishte ai i ardhur së fundmi, nga një media në Kosovë.
Këta të fundit, i cilësonin “Plisat” si “tradhëtarë” me arsyen e vetme, sepse po mbështesnin vendin fqinjë, duke e quajtur kështu Shqipërinë. I menjëhershëm ka qenë reagimi i tifogrupit besnik të Kombëtares, që fillimisht ka kërkuar ndihmën e të gjithëve, për të mbyllur median në fjalë. Për të vazhduar më tej, këtë herë “Plisat” kanë publikuar një këngë emocionuese.
“Nëse kënga për kuqezi, o na qënka tradhëti, jam krenar që jam tradhëtar, që këndoj për ty Shqipëri”, ishin fjalët e dëgjuara në videon që i kushtohej kombëtares shqiptare. Kundërpërgjigja më e mirë për abuzimet mediatike që së fundmi kanë ardhur duke u shtuar dhe duke dërguar ujë në mullirin e armikut. Plisat japin leksion, shumë emocionues madje… /Shqiperia.ch/