Ekperimentimi i trajnerit Ançeloti ka rezultuar me sukses në takimin e vlefshëm për “Champions League”, kundër anglezëve të Liverpulit.
Napoli ka arritur të fitojë me rezultatin 1-0, falë golit të Insinjes në minutat e fundit të takimit. Një fitore me vlerat të mëdha për italianët, që tashmë rrisin më shumë shanset e tyre për të dalë nga grupi, pas atij hapi fals të hedhur fillimisht ndaj Crevena Zvezdës.
Megjithatë sinjale alarmi ka për Hysajn, teksa Ançeloti vendosi që në vendin e tij të aktivizonte një mbrojtës qendre si Maksimoviç. Ky i fundit e kaloi provën e tij, ndërsa anglezët e kishin të vështirë për t’iu afruar portës kundërshtare. /Shqipëria.ch/