Kristal Abazaj në këtë sezon duket se ende nuk ka gjetur formën e tij më të mirë. Kjo për shkak edhe të skuadrës së tij të re të Andërleht, me hapësirat e pakta që i janë ofruar, ku edhe përshtatja tek kampionati belg e ka vështirësuar më shumë gjendjen e këtij lojtari.
Aktualisht jemi në një periudhë merkato dhe mediat belge ditën e djeshme kanë sjellë edhe një zhvillim të ri për sulmuesin shqiptar. Sipas tyre, për Abazajn ka një interes nga skuadra e Kadizit e cila luan në kategorinë e dytë në Spanjë. Kjo skuadër po përdor një taktikë tepër të zgjuar përsa i përket lojtarëve, pasi marrin në ekipin e tyre futbollistë të rinj dhe të talentuar.
Mediat belge vënë në dukje se Kadizi dëshiron të marrë shërbimet e shqiptarit deri në fundin e këtij sezoni, së bashku me të tjerë të rinjtë të talentuar, që gjenden te Anderlehti dhe nuk kanë hapësirat e duhura.
Tashmë çdo gjë mbetet për t’u parë se çdo të ndodh me të ardhmen e një prej talenteve më të mëdha shqiptar, teksa theksojmë faktin se në ligën e dytë spanjolle luajnë edhe legjionarët si Bare dhe Manaj, ku me këta Abazaj ka edhe një njohje të vjetër që nga ekipet zinxhirë të Kombëtares. /Shqiperia.ch/