Manchester Siti ka arritur të fitojë në takimin direkt ndaj Liverpulit me rezultatin 2-1, për të mbajtur gjallë ende shpresat e titullit kampion. Një dorë e madhe në këtë fitore, vendasve u erdhi edhe nga teknologjia.
Pas goditjes së Manes dhe një ngatërrimi të portierit Ederson, topi do të dukej se e kishte kaluar vizën, po rezultoi se ndërhyrja e Stones ishte si një gol i shënuar. Vetëm pak milimetra e kishin ndarë nga goli Liverpulin, ndërsa teknologjia e linjës së portës, ishte ajo që vendosi se nuk kishte të bënim me një gol.
Menjëherë pas ndeshjes, futbollistët e Manchester Sitit janë grumbulluar së bashku, për të parë me ndihmën e teknologjisë edhe njëherë rastin e pazakontë. Me topin që në pjesën më të madhe të tij e kishte kaluar vizën, Stones festonte ende si i çmendur për mrekullinë që kishte kryer ndaj Liverpulit. /Shqiperia.ch/