Një ndeshje shumë e veçantë pritet të jetë kjo e ditës së sotme, atje ku Winterthuri do të ndeshet përballë Bazelit. Ky takim është i vlefshëm për Kupën e Zvicrës, ndërsa një përballje e veçantë do të jetë kjo për tifozët shqiptarë, sepse do të kemi edhe dy Taulantët kundër njëri-tjetrit. Nga njëra anë është luani i Kombëtares, Xhaka, ndërsa nga ana tjetër afrimi më i ri që pritet nga Panuçi në nëntor, Seferi.
Padyshim që të dy këto mesfushorë konsiderohen si e ardhmja e Kombëtares tonë, pasi potenciali dhe aftësia e tyre është thjeshtë e padiskutueshme. Përtej nivelit të Taulant Xhakës, që të gjithë janë të ndërgjegjshëm për të, ajo që ende tifozët shqiptarë nuk janë mirë të informuar, është fakti se nga Shpresat po na vjen një super talent si…Taulant Seferi.
Sigurisht që nëse ka një të përbashkët të madhe mes dy këtyre futbollistëve, përtej emrit, është dashuria e madhe që ata kanë për atdheun e tyre. /Shqiperia.ch/