
Shqipëria do të ndeshet ndaj Spanjës dhe Estonisë, në takimet e vlefshme për kualifikimet e Europianit, sa i përket U-21.
Një rast i veçantë është ai i kuqezinjve, teksa sulmuesi më në formë, Fiorin Durmishaj, nuk mund të jetë pjesë e këtyre takimeve. Arsyeja? Futbollisti shqiptar duhej të bëj ushtrinë në Greqi, një detyrim ky i këtij shteti.
“Durmishajn do të donim që të ishte pjesë e jona, por është duke bërë ushtrinë, sepse ai ka pashaportë greke dhe e thirri shteti grek për shkak të detyrimit që ka atje. Nuk mund të ishte pjesë e Shqipërisë”, u shpreh trajneri i Shqipërisë U-21, Alban Bushi gjatë konferencës së sotme përpara këtyre takimeve. /Shqipëria.ch/