Njië nisje me shumë bujë ishte kjo e këtij sezoni për futbollistin e Lokomotivës së Zagrebit, Lirim Kastrati. Ky i fundit arriti të bënte gjithçka në javët e para, duke e pasur si një mision më shumë se të thjeshtë realizimin e golave në portën kundërshtare.
Një jehonë e madhe në mediat kroate, bëri që Lirim Kastrati të shfrenonte disi fantazinë: “Do të më pëlqente një ftesë nga Kroacia, është më mirë se Kosova dhe Shqipëria”, do të shprehej futbollisti shqiptar për një nga mediat më të njohura në vendin fqinj.
E kur përgjigja nuk erdhi, Kastrati zgjodhi të ndërrojë rrugën shpejt, për të vazhduar me Kosovën. Në një intervistë të dhënë së fundmi për “Sporti në KTV”, lojtari i ekipit kroat është shprehur: “Një ëndërr që i vogël për të përfaqësuar Kosovën. Tashmë më është bërë realitet. Kam pasur oferta nga Gjermania, por besoj se do të qëndroj deri në fundin e sezonit te Lokomotiva”, u shpreh Kastrati. /Shqiperia.ch/