Tashmë mund të quhej një histori e mbyllur ajo e Enis Gavazajt në Rusi, që në asnjë moment të vetëm nuk arriti të bindte me vlerat e tij. I ngrirë në acarin vendas, një eksperiencë për t’u harruar ishte ajo e mesfushorit shqiptar.
Një rast i veçantë edhe për rastin e Kombëtares, pasi zakonisht jemi mësuar që lojtarët që luajnë jashtë Shqipërisë e sigurojnë fanellën kuqezi. Por Gavazaj këtë gjë e ka bërë kur luante me Skënderbeun, e po e humbiste kur doli nga Shqipëria.
“Shqiperia.ch” ka mësuar se Gavazaj do të rikthehet menjëherë në Korçë, me vendimin e drejtuesve të ekipit rus. “Futbollistin shqiptar na e kanë rekomanduar trajner. Por ai ka për të shkuar në klubin e mëparshëm”, ishin fjalët e drejtorit sportive, Denis Rubtsov. /Shqiperia.ch/