Eliminimi i Hajdukut të Splitit ishte befasia më e madhe në “Europa League” sa i përket turit të parë. Ekipi kroat u eliminua nga modestët e Maltës, Gzira, që as nuk llogaritej fillimisht nga Hajduku. Por futbolli nuk është i gjithi matematikë, ndërsa të pamundurat shpeshherë realizohen.
Miqtë arritën të kualifikoheshin në minutën e fundit, pasi fituan me rezultatin 1-3. Në takimin e parë ata kishin humbur në shtëpi me shifrat 0-2, duke krijuar përshtypjen se në ndeshjen e sotme do të kishte një disfatë me diferencë të lartë golash.
Një gjë e tillë nuk ndodhi, ndërsa edhe vetë Hajduku e mori shumë lehtë ndeshjen. Ardian Ismajli që është titullar i padiskutueshëm, ka qëndruar në stol pasi trajneri i kroatëve nuk e mendonte se situata do të mbërrinte deri në këtë pikë. /Shqiperia.ch/