Malaga arriti të fitonte ndaj Albasetes me rezultatin 2-1 në transfertën e mbrëmjes së djeshme, atje ku ishte një përballje direkte për dy ekipet që kërkojnë të futen në “La Liga”. Një shans do ta kenë nëpërmjet fazës “Play-Off’, por përballja mes tyre ishte e veçantë edhe për tifozët shqiptarë.
Keidi Bare ishte nga njëra anë, ndërsa Rei Manaj gjendej nga tjetra. Këta futbollistë kanë një lidhje të ngushtë shoqërore, ndërsa janë larguar së bashku nga stadiumi. Mesfushori shqiptar nuk mund të qëndronte pa bërë një humor me sulmuesin shqiptar, duke shpërndarë një foto në rrjetet sociale: “Kush të rreh, të do. Ti e di sesa shumë të dua unë”. /Shqiperia.ch/
