Këtë sezon, Donis Avdijaj është shndërruar në një nga futbollistët më të rëndesishëm të skuadrës së Willemi ll. Mesfushori dardanas u transferua verën që shkoi tek klubi hollandez, teksa arriti që të rigjejë formën e tij më të mirë, ku në 19 sfida ka realizuar 8 gola dhe dhuruar 6 asist.
Nga mediat hollandeze, bëjnë me dije se Donisi nuk ka pranuar të rinovojë kontratën me ekipin e tij aktual. Nga ana tjetër për 22-vjeçarin kanë ardhur edhe sinjale të forta nga Italia dhe Spanja, pasi pas tij janë vendosur skuadra si Arsenali dhe Juventusi.
Nga informacionet e fundit, këto dy klube kanë shprehur dëshirën për të marrë shërbimet e lojtarit dardanas, por ende nuk ka patur një ofertë konkrete që të joshë ekipin hollandez për të lënë të lirë lojtarin e tyre. Avdiaj është vetëm 22 vjeç dhe me këto ritme që po tregon këtë vit futbollistik shumë shpejt mund ta shohim edhe tek ndonjë klub me emër të madh në futbollin europian. /Shqiperia.ch/