Shumë kohë pushimi për Shkëlzen Gashin, sulmuesin e Shqipërisë, që i dha fund aventurës me Kolorado Rapids. Muajt kanë kaluar por ende asnjë vendim i ri nuk ka ardhur për karrierën e këtij lojtari, ku ka pasur vetëm një haludim për të kaluar te Grashopërsi.
Por edhe kjo pistë u mbyll në mënyrë të menjëhershme, pasi ekipi që ra nga elita në Zvicër nuk i kishte kushtet e duhura për të marrë Gashin. Së fundmi lojtari kuqezi është rikthyer sërish në qendër të vëmendjes së mediave.
Këtë herë mes duartrokitjeve të të pranishmëve, pasi tërhoqi titullin “Nderi i qytetit”. Ceremonia u organizua nga komuna e Klinës, që zgjodhi të nderonte në këtë mënyrë Shkëlzen Gashin. /Shqiperia.ch/
