
Andi Lila dhe Egzon Binaku nuk ia kanë dalë që të jenë të gatshëm për Kombëtaren, pas dhimbjeve të ndjera në grumbullimin në Tropikal. Duke parë këtë gjëndjen e lojtarëve, Panuçi i ka lejuar futbollistët që të kthehen në ekipet e tyre.
Gjithashtu edhe Bekim Balaj ka ndjerë dhimbje në këtë grumbullim, duke pasur shumë dyshime rreth aktivizimit të tij ndaj Turqisë. Por për të zëvendësuar futbollistët e larguar, Panuçi ka ndërmend të ftojë 3 lojtarë të rinjë.
Sipas asaj që raporton “Supersport”, ftesa i ka mbërritur tashmë Keidi Bares, që do të jetë i gatshëm së shpejti për Shqipërinë. Por gjithashtu edhe Ylber Ramadani e Kastriot Dërmaku do të paraqiten në Tropikal, për të vazhduar stërvitjen me grupin tjetër të lojtarëve. /Shqiperia.ch/