Eros Grezda nuk do t’i bashkohet ekipit të Rangersit për fazën përgatitore që do të zhvillojnë skocezët në Portugali për javën e ardhshme. Kjo është ajo që raportohet së fundmi nga “Dailyrecord”, me lojtarin e Kombëtares që tashmë duhet të bëj edhe pa skuadrën e tij.
Pak javë më parë, Grezda do të largohej nga Shqipëria për arsye misterioze, ndërsa më pas do të dilte me një prononcim të shkurtër me kryefjalën: “Po ju tregoj të vërtetën”. Atje sulmuesi fliste për një dëmtim që mund t’i rrezikonte edhe karrierën, por koha na tregon se është shumë e vështirë që të gjendet e vërteta për Grezdën.
Ashtu si edhe në rastin e fundit, ku Rangersi nuk e ka marrë në grumbullimin përgatitor. Menaxheri i lojtarit, Ives Cakarun, ka thënë: “Është ende pjesë e skuadrës, por ka qënë në ekipin Kombëtar dhe ishin disa probleme që nuk e lejuan të jetë pjesë e Rangersit. Ne folëm me drejtuesit dhe na siguruan që është pjesë e klubit. Të shohim se çfarë do të ndodh, por për momentin nuk kemi lajme të reja”, ka thënë Cakarun. /Shqiperia.ch/