Impenjimi në fushën e lojës, por edhe në stërvitje i Milot Rashicës, nuk ishte ai që te Verderi kërkojnë me ngulm. Kjo bëri që trajneri i klubit gjerman, të dërgojë në tribunë futbollistin shqiptar, duke mos i besuar një vend as në pankinë gjatë ndeshjeve të fundit.
Tashmë situata ka ndryshuar dhe kjo falë gjendjes në të cilën ndodhet klubi i Vederit. Dëmtimi i disa lojtarëve në këtë skuadër, ka bërë trajnerin Kohfeldt të ndryshoj mendim. Sipas asaj që raportojnë mediat gjermane, Rashica do të rikthehet me grupin e skuadrës, për të qenë i gatshëm ndaj Wolfsburgut, por këtë herë në vendin që i takon, në fushën e lojës. /Shqipëria.ch/