Ekipi i Serisë A, Kievo, kërkon që në merkaton e janarit të bëj tregti në Shqipëri. Sipas asaj që raporton “Tuttomercatoweb”, ekipi italian i ka piketuar lojtarët e tij.
Bëhet fjalë për Jurgen Bardhin dhe Alban Hoxhën. Faktikisht, për këtë të fundit nuk është hera e parë që përflitet kalimi në elitën e futbollit italian. Përpara pak kohësh ishte shfaqur një mundësi e mundshme që portieri i Partizanit të kalonte në Serinë A.
Tashmë vjen sërish një mundësi e artë, por këtij futbollisti do t’i bashkohet një tjetër lojtar nga Partizani. Këtë herë bëhet fjalë për mesfushorin Jurgen Bardhi. Futbollisti 22-vjeçar shihet si një lojtar me potencial të madh, e nuk do të ishte e habitshme kalimi në elitën e futbollit italian. Kievo ndodhet në vendin e fundit në Itali dhe mbijetesa në këtë sezon, duke thuajse e pamundur me 8 pikë të marra deri në gjysmën e sezonit. /Shqiperia.ch/