Në kohët aktuale është më e thjeshtë për të zbuluar transferimin apo largimin e një futbollisti. Ndonjëherë mjafton vetëm të kërkosh profilin e tij në rrjetet sociale, për të zbuluar gjithçka. Kjo ka ndodhur edhe me Shkodran Mustafin, që konsiderohet i larguar nga Arsenali.
Fillimisht mbrojtësi hoqi foton e profilit ku gjendej me fanellën e klubit të Arsenalit, për ta zëvendësuar me një tjetër që nuk kishte asnjë lidhje me ekipin. Një ndryshim i dytë do të ishte edhe shprehja që Mustafi kishte dikur në “Instagram”: “Lojtar i Arsenalit”.
Tashmë ajo është ndërruar në “kthehem në më të mirën”, për të treguar hapur lëvizjen që do të kryhet në merkaton verore. E gjitha kjo ka rënë në vështrimin e tifozëve të Arsenalit, që janë të lumturuar pas një sezoni zhgënjyes që Mustafi bëri me ekipin e tyre. /Shqiperia.ch/