Fiorin Durmishaj ka provuar emocionet e para me fanellën greke. Sulmuesi që zgjodhi të braktiste kuqezinjtë për helenët, ka luajtur për disa minuta në humbjen ndaj Turqisë.
Trajneri i helenëve ka zgjedhur që të aktivizojë futbollistin që dikur mbajti veshur fanellën e Shqipërisë në minutën e 65 të takimit. Megjithatë eksperienca fillestare me Kombëtaren e re ishte për t’u harruar për Durmishajn.
Kjo pasi Turqia arriti të fitonte në shifrat 2-1, duke e mbyllur historinë e ndeshjes që në pjesën e parë, ndërsa ngushtimi i shifrave erdhi në sekondat e fundit të takimit. Tashmë këtij futbollisti i mbetet të shpresoj se do të jetë një lojtar i rëndësishëm i projektit të Greqisë, përtej disa minutave që do të marrë edhe në kualifikuese, për të djegur përfundimisht mundësinë e një lëvizje të mundshme. /Shqiperia.ch/