DVTK, ekipi ku aktivizohet edhe talenti shqiptar, Florent Hasani ka arritur të fitojë me rezultatin 1-2 ndaj Paks në transfertë. Si gjithmonë në ndeshjet e fundit, shqiptari ka qenë protagonist me golin e tij.
Por këtë herë flitet për një tjetër histori, pasi realizimi i Hasani i përket një tjetër kategorie. Futbollisti shqiptar nuk e ka menduar dy herë të lëshojë një predhë nga jashtë zone, që ka përfunduar në rrjetë.
I ndihmuar edhe nga pozicionimi i keq i portierit, Florenti ka bërë që të gjithë të vendosin duart në kokë. Një realizim i dalë nga hiçi, e për më tepër një kryevepër e 21-vjeçarit që i shton bukurinë kampionatit hungarez, Florent Hasani ka gjithë vëmendjen aktuale. /Shqiperia.ch/