Bazeli ka arritur të fitojë me rezultatin 2-1 ndaj Pushkash Akademi, në takimin e zhvilluar gjatë ditës së sotme. Flitej për një takim miqësor, ku edhe shqiptarët nuk mungonin në fushën e lojës.
Sigurisht që nga Bazeli nuk ka shumë nevojë për informacione të mëtejshme sa i përket shqiptarëve, por ajo që nuk duhet të harrojmë, është që me ekipin hungarez aktivizohet edhe Liridon Latifi. Futbollisti shqiptar ka lënë pas një dëmtim të rëndë që i ka kushtëzuar karrierën e tij, madje duke i mohuar edhe Kombëtaren.
Tashmë ish-futbollisti i Skënderbeut duket se ka arritur nivelin më të mirë, ndërsa këtë gjë e ka treguar duke dhuruar një perlë ndaj Bazelit. Goli i vetëm nga Pushkash Akademi, ka ardhur falë ekzekutimi të mrekullueshëm të goditjes së dënimit, që është dërguar në cepin e rrjetës nga ana e Latifit. /Shqiperia.ch/