Ka qenë në fushën e lojës me lojtarë si Jan Somer dhe Mohamed Salah. Gjithashtu ka marrë pjesë në “Champions League”, duke luajtur në Bernabeu me yje si Bale, Ronaldo dhe James.
Por mbrojtësi shqiptar, Naser Aliji ka rrëfyer situatën e tij dramatike, që e bëri të kthehej në ekipin ku e nisi karrierën në Zvicër dhe që militon në kategoritë e ulëta, FC Baden. Arsyeja? Babai i tij është me kancer dhe djali duhet t’i qëndroj afër në ditët e fundit të jetës.
“Në verë unë isha shumë i dëshpëruar që nuk po arrija të gjeja dot një klub.Por në jetë, gjithçka bën sens. Papritur kujtova se mund të kaloj kohë pranë babait tim, ai është në muajt e fundit të jetës, pasi është diagnostikuar me kancer”, është shprehur Aliji për “Blick.ch. /Shqipëria.ch/