Fiorin Durmishaj dhe Emiliano Bullari do të luftojnë për një vend te ekipi i Olimpiakosit në sezonin e ardhshëm. Fatmirësisht ky i fundit zgjodhi t’i bashkohej Shqipërisë, duke mos e përsëritur rrugën dhe ndërrimin e vendimit si Durmishaj.
Por tashmë të dy këta lojtarë janë pjesë e Olimpiakos. Sigurisht që Durmishaj është më i avantazhuar, pasi u transferua me bujë nga Panionosi. Por edhe Bullari nuk ngelet pas, që shihet me prespektivë të madhe dhe pritet t’i bashkohet ekipit të parë në sezonin e ardhshëm.
Ai ka dalë nga ekipi i të rinjëve, duke shkëlqyer dhe tërhequr vëmendjen e të gjithëve. “Sport-fm.gr” ka bërë edhe një krahasim mes këtyre dy futbollistëve: “Janë e njëjta strukturë. Ndoshta nuk është “kafshë” si Durmishaj, por Bullari e ka sensin e golit dhe ka marrëdhënie të jashtëzakonshme me rrjetën. Prandaj e mori edhe Shqipëria kur ishte vetëm 18 vjeç, për ta futur te U-21 i tyre”, shkruan media greke. /Shqiperia.ch/