Diego Simeone, i njohur ndryshe edhe me nofkën “i çmenduri”, e dëshiron me çdo kusht Elseid Hysajn te Atletiko Madridi. Kjo është ajo që raportohet së fundmi nga mediat italiane, duke u shprehur se shkodrani është më afër se kurrë me spanjollët.
Madje nuk do të ishte çudi që zyrtarizimi të vinte pak orë pas dasmës, pasi Hysaj do të martohet në ditën e sotme. Ende pa hequr mirë rrobat e dhëndërit, mbrojtësi i Shqipërisë do të vesh uniformën e re që do të ketë për sezonin e ardhshëm dhe këtë herë nuk flitet për Napolin. Gjithçka duket e mbyllur, pavarësisht se është mbajtur në fshehtësi të plotë, por Hysajn dhe skuadrën e Simeonës e ndajnë vetëm disa detaje të vogla. /Shqiperia.ch/