Kastriot Dërmaku ka qënë kapiten në ditën e sotme për ekipin e Kosenzës, që ka mposhtur me rezultatin 0-1 Piaçenzën në transfertë. Gjithë duartrokitjet do të merrte mbrojtësi shqiptar gjatë sekondave të fundit të ndeshjes të Serisë B, pasi doli me karton të kuq.
E çuditshme duket, por kjo është e vërteta që ndodhi në fushën e lojës. Teksa lojtarët kundërshtarë kapin në kundërsulm Kosenzën, me golin e barazimit që dukej i sigurtë pasi sulmuesi kundërshtar gjendej përpara portierit, ka ardhur edhe ndërhyrja e Dërmakut.
Një sparkatë që kërkonte vetëm këmbët e rivalit dhe aspak topin, ka përfunduar me sukses. Kartoni i kuq këtë herë ishte mëse i pranueshëm për mbrojtësin shqiptar, që ka lënë fushën, por i ka dhënë edhe tre pikët skuadrës së tij. E njëjta skenë u përsërit edhe në Europianin e Francës, ku Cana sakrifikoi veten për të mos pësuar një gol nga kundërshtari, por me ndryshimin se fundi në rastin konkret ishte i hidhur. /Shqiperia.ch/