
Xhakomo Vrioni ka debutuar zyrtarisht me skuadrën e re të Citadelës. Me ekipin e Serisë B do të jetë si huazim, pasi kartoni zotërohet nga ana e Sampdorias.
Talenti i Shqipërisë U-21 është aktivizuar në minutën e 84 në Kupën e Italisë, atje ku Citadela kaloi më tej falë ruletës ruse ndaj Karpit. Koha e rregullt përfundoi në shifrat 2-2, ndërsa 30 minutëshi i shtesës mjaftoi që të dyja ekipet të shënonin nga një gol.
Nëse flasim për fatin e takimit në ruletën ruse, është humbur vetëm penalltia e katërt nga Karpi. Presioni ishte i gjithi në këmbët e Vrionit, që ishte edhe ekzekutuesi i fundit, por arriti të dërgonte topin në rrjetë dhe Citadelën në turin tjetër të Kupës. /Shqiperia.ch/