Ergys Kaçe ka festuar datëlindjen e 26, ndërsa ishte në përgatitje me PAOK për sezonin e ardhshëm. Mesfushori shqiptar nuk i ka shpëtuar tunelit të shuplakave që u krijua nga futbollistët grek, ashtu siç e do edhe zakoni.
Një pjesë “vuajtje” kjo për lojtarin e Kombëtares, por që ka sjellë edhe një frymë pozitive te PAOK. Lojtarët kanë vazhduar menjëherë me stërvitjen dhe përgatitjet e skemave, ndërsa shtatshkurtri ka marrë edhe urimet e pjesës së stafit. Shanset janë të mëdha që Kaçe të jetë pjesë e kësaj skuadre dhe të luajë në “Champions League” në sezonin tjetër, pas ardhjes në krye të trajnerit Ferrera. /Shqiperia.ch/