Kosova do të luajë përballë Anglisë, në një ndeshje historike për dardanasit. Një takim ky që shkon përtej 90 minutave të zakonshme, pasi nuk ndodh rëndomtë që përfaqësuesja e trevës shqiptare, të përballet me kundërshtarë të këtij niveli.
Ndeshja do të luhet në “St Mary Stadium” në datën 10 shtator, në një stadium ku edhe vetë anglezët luajnë për herë të parë. Kjo pasi në këtë arenë zakonisht ka zhvilluar ndeshjet e saj U-21 i Anglisë ose Kombëtarja e femrave. Sa i përket çmimeve të biletave, që do të dalin në shitje në 10 maj, ato variojnë në 10 funte, 25 funte, 35 funte, 45 funte dhe 55 funte. /Shqiperia.ch/