Çështja “Abazaj” ngelet ende e pashpjegueshme te Anderlehti. I ardhur me bujë nga ekipi i Luftëtarit, pas një sezoni fantastik në Shqipëri, mesfushori shqiptar ishte duke u pritur me interes të madh edhe nga tifozët belg.
Megjithatë situate ka rrjedhur në një mënyrë të papritur, duke sjellë që Abazaj të mos debutojë ende me Anderlehti, megjithëse kampionati ka disa javë që ka nisur. Madje, tashmë mesfushori shqiptar nuk po merret as në stol nga gjigantët belg.
Për Kristal Abazajn nuk ka asnjë dëmtim apo problem fizik, pasi ishte i pranishëm dhe dukej në gjendje të mirë, në ndeshjet që Shpresat tona zhvilluan ndaj Spanjës dhe Italisë. Ai nuk është i grumbulluar në ndeshjen e sotme që Anderlehti luan në transfertë ndaj Genk. /Shqipëria.ch/