Kosovare Asllani ishte një prej yjeve të Botërorit të femrave që tashmë ka shkuar në fazën e fundit. Suedia, atje ku luan edhe futbollistja shqiptare, u eliminua në gjysmëfinale ndaj Holandës dhe tashmë do të luajë për vendin e tretë.
Ajo që u anashkalua disi në atë përballje, rezulton fakti se Asllani ka bërë sërish simbolin e shqiponjës përpara ndeshjes. Më saktësisht mund ta quajmë “burrnesha” Asllani, që u përball hapur me gjyqin e Suedisë, atëherë kur festoi në të njëjtën mënyrë për golin ndaj Ukrainës.
“Kjo është përkatësia ime, nuk e kuptoj se përse ju shqetëson shqiponja”, do t’i kthehej futbollistja shqiptare vetë Federatës Suedeze të Futbollit. Padyshim një rast krenarie që tejkalon edhe jehonën e madhe të Granit Xhakës dhe Xherdan Shaqirit, me festën e tyre në të njëjtën mënyrë ndaj Serbisë, por duke u dorëzuar dhe kërkuar falje në gjyqin e bërë nga ana e Zvicrës. /Shqiperia.ch/
