Disa gabime të kryera në ndeshjen ndaj Levadikosit, mungesa e freskisë në fushën e lojës dhe një kontribut i pakët në atë fitore. Është kjo mënyra sesi “Metrosport” përshkruan gjëndjen aktuale të Migjen Bashës.
Futbollisti i Kombëtares është konsumuar shpejt në klubin grek, teksa vetëm pas një ndeshje të zhvilluar, ka bërë një program veçmas në stërvitje, për shkak të ngarkesës së lartë fizike që kishte marrë në kohët e fundit.
Tashmë te Arisi janë duke projektuar uljen në stol të Bashës, të paktën sipas medias greke, duke e cilësuar shqiptarin pak të vlefshëm në fitoren e ndeshjes së shkuar ndaj Levadikosit dhe ka dilema të mëdha nëse Migjeni do të luajë si titullarë me PAS Giannan. Gjithashtu në Greqi do të luhen edhe ndeshjet e Kupës dhe për këtë klubi grek kërkon një freski në mesfushë. /Shqipëria.ch/