
Malaga e ka nisur me fitore kampionatin në “La Liga 2”, atje ku ia doli me rezultatin 0-1 ndaj Santander. Më shumë se e vështirë ishte kjo përballje për skuadrën ku luan edhe Keidi Bare, që në të paktën dy raste i ka shpëtuar paq pësimit të golit, duke u ndihmuar nga shtylla.
Vlerësimi për mesfushorin shqiptar ka qënë shumë pozitiv nga mediat spanjolle, teksa luajti për 90 minuta në fushën e lojës. Në lartësinë e duhur dhe i pakalueshëm ishte në mesfushë, me prestigjozen “AS” që shkruan më tej:
Keidi Bare: “Shqiptari, në linjën e tij, shërbeu si “mushkëri shëruese”. I dha oksigjen ekipit dhe përmbante karakterin e tij, shpeshherë të zjarrtë, që nuk ndryshon kurrë. Ishte kudo në fushë”, shkruhet te “AS”. /Shqiperia.ch/