
“Do të tentojmë përmbysjen në Greqi. I kemi dhuruar të tre golat dhe ishim shumë më mirë sesa kundërshtari”, kështu u shpreh Migjen Basha në përfundimin e takimit Molde-Aris që përfundoi me rezultatin 3-0.
Fillimisht u dukën si fjalë ngushëlluese për tifozët, por rezultoi e vërtetë. Arisi ka fituar me po të njëjtin rezultat në përballjen që po zhvillohet, ndërsa tani priten shtesat. Migjen Basha është duke e parë nga stoli, ndërsa ekipit grek i ka mbetur edhe një zëvendësim për të kryer. Një përmbysje e madhe do të ishte nëse Arisi do të kalonte në fazën “Play-Off” të Europa League, duke na kujtuar të njëjtën kryevepër që Liverpuli e bëri ndaj Barcelonës. /Shqiperia.ch/