Prej më shumë se një viti, çështja e Elseid Hysajt tek Napoli, është kthyer në një telenovelë. Kjo për arsyen se është aluduar shumë për largimin e mbrojtësit shqiptar nga rradhët e napoletanëve, pasi me ardhjen e Ançelotit në krye të ekipit italian, Elseidi nuk mundi dot të dilte kurrë në lojën e tij dhe njëkohësisht aktivizimet e tij në fushën e blertë kanë qënë më të pakta në krahasim me sezonet e shkuara.
Mesa duket kjo gjë po vjen drejt një rrugëzgjidhjeje, pasi në garë për të marrë shërbimet e shqiptarit është futur edhe klubi i Interit, ku Spaleti ka një simpati të veçantë për Elseidin. Ditë e sotme, duket se Karlo Ançeloti ka filluar të mendojë për zëvendësuesin e tij, pasi në konferencën e tij për shtyp, u shpreh se mbrojtësi i Totenhemit, Tripier, është nën radarët e Napolit.
“Nuk më pëlqen të flas për futbollistë të skuadrave të tjera, por mund t’ju konfirmoj se Trippier dhe Lozano janë dy emra që po i ndjekim me interes. Më pas t’ia lëmë kohës për të parë se si do të rrjedhin ngjarjet”, u shpreh Ançeloti./Shqiperia.ch/