
Disa probleme shëndetësore kanë detyruar Mërgim Mavrajn të lihet jashtë për ndeshjen e fundit të kampionatit, pas atij debutimi pozitiv që bëri me Arisin. Në një ndeshje Kupe, e për të më tepër derbi ndaj PAOK-ut, Mavraj tregoi cilësitë e tij.
Tashmë mbrojtësi i Shqipërisë është më në formë se kurrë dhe është rikthyer normalisht në stërvitje, për t’u përgatitur me Arisin sa i përket ndeshjes së radhës në kampionat. Mavraj shquhet gjithashtu edhe për humorin e tij, ndërsa piketimi i tij për batutat tashmë në Greqi, është gjithmonë Migjen Basha teksa ndodhen në të njëjtën skuadër.
Gjatë ushtrimeve me biçikletë në stërvitje, mbrojtësi shkruan me humor: “Ia kam marrë biçikletën Bashës. A t’ia kthejë apo t’ia shesë?”. /Shqipëria.ch/