Meritan Shabani u largua nga skuadra e Bajernit për shkak të mungesës së hapësirës, duke kaluar te Wolvesi. Por talenti shqiptar nuk do të kalojë menjëherë në ekipin e parë që merr pjesë në “Premier League”, ndërsa fillimisht i është bashkuar Wolvesit U-23.
Trajneri i të rinjëve, Rob Edwards, është impresionuar menjëherë nga aftësitë e Shabanit, teksa e ka parë më nga afër në stërvitje. “Është një lojtar që ne jemi vërtet të lumtur që e kemi në skuadër. E kemi parë për herë të parë në stërvitje së bashku me lojtarët e tjerë. Ishte vërtet shumë brilant. Një njeri shumë i mirë, por edhe futbollist i talentuar”, ishte vlerësimi i Edwards për talentin shqiptar. /Shqiperia.ch/