
Valdet Rama e ka nisur me gol në debutimin në kategorinë e tretë gjermane. Sulmuesi i Kombëtares u zyrtarizua te Mepeni vetëm pak ditë më parë, pas largimit nga Kukësi.
Në përballjen ndaj Carl Zeiss Jena që përfundoi me fitoren 3-0, protagonisti ishte edhe lojtari shqiptar. Goli i parë do të vinte pikërisht nga Rama në minutën e 64. Një aventurë e re që nis me rrugën e duhur, ndërsa 6.000 tifozët e pranishëm në stadium kanë nisur të thërrasin në kor për Valdet Ramën, duke i dhënë mikëpritjen për vazhdimin e një kampionati që sapo ka nisur. /Shqiperia.ch/