Pas dy golave të Milot Rashicës, e diela e shqiptarëve vazhdon të ndizet me golat e futbollistëve tanë. Tani ishte rradha e Ermir Lenjanit, për t’u kthyer si protagonist.
Faktikisht në Zvicër po luhet një derbi shqiptarësh, pasi Sioni përballet ndaj Luganos. Nga njëra anë është Kukeli, Toma dhe Lenjani, ndërsa nga stoli e ka nisur Armando Sadiku. Takimi mbetet në shifrat 1-1, ndërsa barazimi për Sionin ka ardhur nga Lenjani.
Një realizimi më shumë i nuhatur për futbollistin e Shqipërisë, që ka qenë afër portierit dhe duke përfituar nga pasiguria e tij gjatë goditjes së dënimit, ka arritur të dërgoj topin në rrjetë. /Shqiperia.ch/