Titulli kampion i një sezoni të gjatë dhe i niveleve të larta, si ai në Zvicër, patjetër që shijon shumë kur gjendesh në fushën e lojës. Por në ditën e sotme, Young Boysi ka përjetuar një ndjesi tjetër, pasi është shpallur kampion me lojtarët që e shihnin ndeshjen në televizor.
Falë atij gabimi që Bazeli ka bërë në shtëpi ndaj Grashopërsi, në takimin e mbyllur pa gola, titulli u sigurua matematikisht nga Young Boysi. Kjo ishte e dyta herë rradhazi dhe e 13 në histori që kjo skuadër zvicerane, arrin të triumfojë sa i përket titullit kampion.
Por në këtë ekip gjendet edhe lojtari shqiptar, Taulant Seferi. Aktualisht i huazuar te Winterthur, një aventurë kjo që do të mbyllet në fundin e sezonit. “Shqiperia.ch” siguron se Seferi do të kthehet te Young Boysi në sezonin e ardhshëm dhe do të ketë shansin e tij, për të vërtetuar se mund të luajë me kampionët e Zvicrës. Sigurisht, në Shqipëri nuk ka asnjë dyshim mbi këtë gjë, por në ekipi zviceran kanë rezervat e tyre. Gjithsesi provën e parë Young Boysi e ka dhënë, pasi i rinovoi kontratën së fundmi Taulant Seferit, vetëm për ta mbajtur në skuadër. /Shqiperia.ch/