Gjatë gjithë këtij muaji u përfol shumë në mediat vendase se një nga afrimet më të mëdha të Panuçit për dy ndeshjet e muajit mars, mund të ishte edhe Tomas Guidara. Ky i fundit aktualisht është pjesë e skuadrës së Belgranos e cila luan në kampionain argjentinas. Pikërisht ky është edhe vendi ku ka lindur Guidara dhe ku është rritur, teksa nuk ka mohuar edhe dëshirën e tij për të qënë pjesë e Kombëtares kuqezi, nisur nga origjina e hershme e prindërve të tij.
Kjo gjë është trumpetuar shumë në Shqipëri, madje lojtari pati edhe një telefonatë nga Panuçi për të qënë pjesë e kuqezinjve tanë. Nga kjo telefonatë, ende nuk ka ardhur një përgjigje përfundimtare nga lojtari, pasi ky i fundit ka vendosur që të mendohet duke i dhënë paksa kohë edhe Argjetinës.
Në rast se kjo ftesë nuk vjen në drejtim të tij, atëherë Guidara pritet të konfirmohet si lojtar i Shqipërisë, por për këtë gjë duhet të presim deri në muajin qershor. /Shqiperia.ch/