Partizani është ndeshur me Karabakun, në takimin e vlefshëm për kualifikueset e “Champions League”. Flitet për turin e parë të këtij kompeticioni, ndërsa të kuqtë arritën të merrnin një barazim pa gola, për të mbajtur të hapur historinë e kualifikimit.
Por objektivi nuk është i lehtë, pasi flitet për një ekip si Karabaku që ka histori me pjesëmarrjet në grupet e “Champions League” dhe “Europa League”. Miqtë kanë dominuar gjatë gjithë 45 minutave të para, ndërsa e vetmja gjë e bukur në këtë fragment ka qënë Jasir Asani. Ky i fundit ishte i vetmi që me driblimet e tij ka shtytur përpara ekipin e Partizanit, për ta risjellë në qendër të vëmendjes çështjen e afrimit te Kombëtarja.
Pjesa e dytë ka nisur me shkëndijën e madhe nga vendasit, teksa Belica ka kapur traversën, ndërsa Çinari flirtoi me golin duke i shkuar shumë pranë. Disa numra të tjerë spektakli erdhën nga Asani, por pa mndur të ndryshojnë fatin e takimit. /Shqiperia.ch/