Padyshim që Elvis Rexhbecaj është një nga futbollistët më të mirë që ka Shqipëria në Bundesligë. Wolfsburgu e konsideron si një lojtar të rëndësishëm në projektin e saj, pavarësisht moshës së re që ka ky lojtar.
Për herë të pestë rradhazi, Elvis Rexhbecaj pritet ta nisë nga minuta e parë ndeshjen ndaj Frankfurtit. Ky është një takim shumë i rëndësishëm për këto skuadra dhe është një përballje direkte, që do të luhet në ditën e nesërme. Talenti shqiptar ka treguar se e meriton një vend në fushën e lojës, si titullarë, ashtu siç pritet të jetë edhe nesër sipas asaj që raportojnë mediat gjermane.
Ndërsa sa i përket zgjedhjes së lojtarit për përfaqësuesen, ka ende dyshime nëse Rexhbecaj do të zgjedh Shqipërinë, Kosovën apo Gjermaninë. /Shqiperia.ch/