Tifozët shqiptar nuk do të kenë mundësinë të shohin Mbappe të luajë kundër Shqipërisë në ndeshjen e vlefshme për kualifikueset e “Euro 2020”. Sulmuesi ka pësuar një dëmtim në kofshë gjatë ndeshjes së fundjavës mes PSG dhe Toulouse, që e detyroi të lërë fushën e lojës në minutën e 66.
Mësohet se lojtari do të qendrojë jashtë fushës për rreth një muaj, duke humbur kështu edhe ndeshjet me ekipin kombëtar që do të zhvillohen në muajin shtator, ku përfshihet edhe ajo ndaj kuqezinjve. Ky ëshë një lehtësim për Kombëtaren tonë të futbollit, pasi nuk do të kenë përballë një nga sulmuesët më të mirë të botës, që ia bën disi më të thjeshtë punën mbrojtësave të Shqipërisë. /Shqiperia.ch/