Përparim Hetemaj është i vetmi futbollist që nuk ka dashur të luajë kundër Kosovës, për hir të dashurisë që ka për vendlindjen. Mesfushori në fjalë i kërkoi Finlandës asokohe që të mos ta përfshinte në listën e saj, pasi nuk mund të luante kundër dardanëve.
Tashmë në karrierën Hetemaj bëhet gati për t’u larguar nga Kievo, teksa këta të fundit kanë rënë në Serinë B. Sipas asaj që raportojnë mediat në orët e fundit, mesfushori shqiptar do të largohet drejt Sivasporit në Turqi, me zyrtarizimin që mbetet vetëm çështje orësh. /Shqiperia.ch/