Armando Broja nuk ka të ndalur në Angli. Sulmuesi shqiptar ka realizuar këtë herë edhe ndaj ekipit të Arsenalit. Broja është grumbulluar në takimin e sotëm për 23-vjeçarët e Chelseat, ndërsa në minutën e 32-të të takimit ka vendosur gjithçka në baraspeshë mes dy skuadrave. Një top i ardhur nga këndorja prej këmbëve të Gilmour, gjen më pas Armando Brojën, i cili bën atë që di të bëjë më mirë, të tundë rrjetën kundërshtare.
Ndërkohë pjesa e parë e takimit është mbyllur me shifrat 1-2 në favor të bluve të Londrës. Me golin e tij sulmuesi kuqezi konfirmon edhe një herë tjetër arsyen përse mediat në Angli gjithnjë e më shumë e bëjnë pjesë të planeve të Lampard, me një ftesë për në ekipin A që me shumë gjasa nuk do të jetë edhe aq e largët.